Áhugafólk um munstur, nú hyggst Munstur og menning sem gefið hefur út munsturbækur í rúm 20 ár, fara að draga saman seglin og eru sumir titlar þegar uppseldir.
Nokkur eintök eru eftir af öðrum og ef einhver hefur áhuga á að eignast bækur er betra að hafa samband fyrr en seinna.
Saman hafa þær Jenný Karlsdóttir og Oddný E. Magnúsdóttir skoðað, skráð og ljósmyndað altarisdúka viðsvegar um landið.
Verkefnið hófst árið 2003 og er fyrirhugað að gefa út hefti með munstrum.
Munstur og menning vinnur að því að gera sem mest af okkar fornu handverksmenningu aðgengilega nútíma handverksfólki á auðveldan hátt. Auk þess að beina íslenskri hönnun og minjagripagerð í þjóðlegan farveg.
Munstur og menning endurútgefur gamlar handverksbækur og gömul munstur.
Til Sölu: Bækurnar er hægt að nálgast í Þjóðminjasafninu og í verslun Heimilisiðnaðarfélags Íslands. Einnig er hægt að hafa samband við mig í s: 860-4933 eða netfangið jenny@munstur.is
Munstur og menning safnar gömlum munstrum og hannyrðum og vill með því sýna handverki formæðra og forfeðra okkar þá virðingu sem það á skilið.
Ef þú veist um einhvern sem ætlar að henda eða þarf að losa sig við gömul munsturblöð eða bækur, þá yrði ég mjög þakklát ef haft væri samband við mig. - jenny@munstur.is
